當道德只是廉價商品
倫理學第一課：「我為何要道德？」(Why should I be moral?) 倫理學家實在無謂大費周章，答案其實再也簡單不過：因為道德有市場﹗
道德作為廉價商品，自然得簡單易用，毋須用家多想；只管非禮勿視、非禮勿聽便是。中大學生報情色版，落在我等「毫無道德觀念者」手裏，只會一笑置之，還要加一句：「X﹗這樣也叫咸故？參考一下生果和白粉報吧﹗」落在諸如「黑暗社」之流手裏，則義憤填膺，振臂高呼道德淪亡、世風日下：彷彿一兩個咸濕笑話便會令世界末日提早到來。
情色版茶杯裏的風波可以鬧得這樣大，只證明了這個社會實在病入膏肓。香港社會有多少不平事，「道德君子」卻不去關心，反而金精火眼瞄準一份學生報，為什麼？因為消滅「亂倫」、「人獸交」等字眼、消滅粗口，遠比消滅社會不公容易得多。
「社會不公」？什麼是「社會不公」？你要我花時間討論貧富縣殊問題、關心弱勢社群？我可要花時間當「道德君子」，潔淨社會啊﹗鄉原如是說。
延伸閱讀：
katana：香港如何活下去？
公園仔：搏拉轉載：情色問卷三種答案
May 27th, 2007 at 1:14 am
乜咁激動呀，其實道德有市場，反道德又何嘗唔係另一大市場呢？倫理學我始終鍾情Aristotle，中大學生最令我失望嘅地方，唔係寫咸古，而係咸古寫得唔夠「卓越」，俾人批評果陣又唔夠「勇德」同大家講：「我係咸濕，吹咩？」西口西面曾經寫個一篇咸古叫《叮噹大結局 - 靜宜與欣宜》，見你係同道中人，即管俾你開下眼界：http://www.eyny.com/archiver/tid-380943.html
May 27th, 2007 at 3:49 am
倉海君，唔知點解你個comment俾個系統當係spam，似乎wordpress都會進行道德審查。
整條咸link俾我？擺明靠害啫﹗
May 28th, 2007 at 2:41 pm
死，唔記得周星馳o個句「我o地都係同道中人」係點接落去添。
正題係，道德通常係用來話人o既，唔係用來遵行o既——雖則此地班友，鹹o個陣往往得把口用對手（打字o者。）——。見傳媒介紹財主高官名人點奮鬥上位就多，你幾可見有人搞乜乜「華人道德家系列」，「香港五大道德實踐者選舉」，冇囉。再進一步講，對主流道德欲迎還拒o既人，比對錢欲拒還迎o既人更多。某o的報刊娛樂版好似好想追求道德，但係冇乜人真係「道德」，於是大家繼續追，繼續追，明知道德佬比有錢佬更加難做。
又又，呢個社會聽講講分工，所以道德家只管部分倫理道德，或者先叫你去理不平時佢繼續監察道德，最多咪幫你簽聲明支持你反抗不平，佢要做好佢份工呀。
ps 西神喎，既係神，佢頒下來o既o野唔會差得去邊o卦，無謂令我o地凡人又羞愧多一次o丫。
May 29th, 2007 at 12:13 am
什麼是西神？
May 29th, 2007 at 9:58 am
西口西面月前已被部份新春秋核心人物升為「西神」，完。
May 29th, 2007 at 11:23 am
新春秋核心人物好明顯唔包括我，因為我從未叫過佢做「神」。對我而言，佢由始至終都係徹頭徹尾嘅仆街。但仆街反而受人景仰，c’est la vie.